The New York Times газетінің жазуынша, Батыс барлау деректеріне сәйкес, Владимир Путин Украинамен соғыста жеңіске жетіп жатқанына сенімді, деп жазады Alash.KZ.
Ресейге Украинаның Донбасс аймағын толық басып алу үшін тағы екі жыл қажет. Кремль бұл есеп-қисаптармен таныс және соғысты осы сценарий бойынша жалғастыруға дайын көрінеді.
The New York Times мәліметінше, Батыс барлау қызметтері Владимир Путин Украинадағы соғыста басымдыққа ие болып жатқанына сенетінін хабарлаған.
«Ол Донбассқа толық бақылау орнату үшін 18 айдан екі жылға дейін уақыт қажет болса да, Ресейдің зымырандары мен дрондары энергетикалық инфрақұрылым мен тұрғын үйлерге соққы жасаған әрбір күн мен әрбір түн оған қосымша артықшылық береді деп есептейді», - делінген мақалада.
Сонымен қатар басылым соңғы айларда Ресей экономикасы елеулі қиындықтарға тап болғанын атап өтеді. Ал Дональд Трамп соғыс аяқталған жағдайда Кремльге Ресейге ірі инвестициялар тартуды ұсынды.
«Мұндай динамиканы ескере отырып, кейбір сарапшылар Путин әлі де Украинадағы әскери әрекеттерді тоқтату жөнінде келісімге келуі мүмкін деп болжайды. Әсіресе, егер ол АҚШ-пен ұзақ мерзімді жақындасуды қамтамасыз етіп, Украина әскерін Донбастың қалған бөлігінен шығаруға қол жеткізсе», - деп жазады NYT.
