Ресей Федерациясының президенттігіне кандидат, қазіргі мемлекет басшысы Владимир Путиннің сайлауалды штабы Орталық сайлау комиссиясына кандидаттың пікірсайыс үшін бөлінген федералды мемлекеттік арналарда тегін теле және радио эфир уақытын алудан бас тартқаны туралы хабарлады.
Бұл туралы РФ Орталық сайлау комиссиясының хатшысы Наталья Бударина мемлекеттік федералдық телерадиоарналарда президенттікке кандидаттар мен оларды ұсынған партиялар арасындағы эфир уақытын бөлу бойынша жеребе барысында мәлімдеген.
Кандидаттардың үгіт-насихат жұмыстарын жүргізу үшін бес федералдық мемлекеттік телеарналар тегін эфир уақытын бөлуге міндетті: «Россия-1», «Россия-24», Бірінші арна, «ТВ Центр», Ресейдің Қоғамдық телеарнасы (ОТР) және үш радиостанция: «Радио Ресей» », «Маяк» және «Вести FM».
Фото: РИА Новости
