Германия канцлері Путиннің сыртқы саясаты бұрынғы Кеңес Одағы елдеріне қауіп төндіруі мүмкін екенін айтты, деп хабарлайды Alash.kz.
Германия канцлері Фридрих Мерц Ресей президенті Владимир Путиннің әрекеттері тек Украинаға ғана қатысты емес екенін атап өтті. Оның айтуынша, Ресей басшысы Еуропа шекараларын өзгертуге ниеттеніп отыр, бұл бұрын КСРО құрамында болған мемлекеттер үшін, әсіресе әскери тұрғыдан, айтарлықтай қатер төндіреді.
«Путин өз қадамдарын тоқтатпайды. Украина жағдайы нашарласа, ол әрекетін жалғастыра береді. Бұл бұрынғы империя құрамындағы елдерге, әскери қауіп тұрғысынан да, үлкен қатер», – деді Мерц.
Оның пікірінше, Украинаға қолдау көрсету, Еуропаның келісімін нығайту және Ұлыбританиямен бірлескен қауіпсіздік саясатын жүргізу – қазіргі сыртқы саясаттағы басты бағыттар болып қала береді.
