Павлодарда тойға барған қонақтар жаппай уланды: мейрамхана иесі жазадан қалай құтылып кеткен?

Элиталық мейрамханадан 30-дан астам адам ауруханаға жеткізілді. Олардың арасында жүкті әйел мен сегіз жастағы бала да болған, деп жазады Alash.KZ.

Оқиғадан кейін тексеру нәтижесінде тағам өнімдерінен стафилококк, сальмонелла және басқа да көптеген инфекциялардың іздері анықталған.

Санитарлық талаптарды бұзғаны үшін 26 жастағы мейрамхана иесіне қатысты тергеу басталған.

Оған ірі көлемдегі айыппұл немесе тіпті бас бостандығынан айыру жазасы қаупі төнгенімен, соңында ер адам амнистияға ілігіп, жазадан босатылды.