Павлодарда психикалық ауытқуы бар ер адам тұрғын үйдің подъезінде балаға шабуыл жасады. Оқиға 19 наурызда орын алған. Оқиға 2016 жылы туған бала мектептен үйіне қайтып келе жатқанда болған, деп жазады Alash.KZ.
Ата-анасының айтуынша, бейтаныс адам баланы аулада қуып жетіп, баламен бірге подъезге кірген. Бірінші қабатта ер адам баланы ұстап алып, оны жібермей, бұл өз баласы деп айтқан.
Көмекке курьер Ерлан деген жігіт келеді. Оқиғаны көрген ол араласып, шабуылдаушыны қуып шығып, қорқып қалған баланы үйіне жеткізуге көмектескен.
Қылмыскер бейнекамера арқылы ұсталды. Сот оны арнайы медициналық мекемеге жіберуге үкім шығарды.
