Таразда ер адам өзін өртеп жіберуге тырысты. Ол жол бойынан өтіп бара жатқан адамдардың көз алдында өзін өртемек болған, деп хабарлайды Alash.KZ порталы.
Тараздық азамат өз киіміне бензин құйып, өрт қойды. Төтенше жағдайлар қызметінің құтқарушылары дер кезінде жалынды өшіріп, ер адамды аман алып қалды.
Оқиға Тараз қаласындағы орта мектептердің бірінің жанында болды. Ер адам үстіне бензин құйып, алдымен өзін өртейтінін айтып қорқытқан. Біраз уақыттан кейін ол айтқанын орындаған. Сол уақытта оқиға орнына ТЖМ құтқарушылары келіп үлгерген.
Қолда бар құралдар мен өрт сөндіргіштің көмегімен олар жалынды тез сөндірді. Ер адам жеңіл күйік жарақаттарын алған. Зардап шегуші дәрігерлердің қолына тапсырылып, ауруханаға жатқызылды. Мұндай шараға бару себебі анықталып жатыр.
