Қуандық Бишімбаевтың кезекті сот отырысында ресейлік сарапшылар тағы бір тың ақпаратпен бөлісті, деп хабарлайды Alash.kz.
Ресейден келген сарапшылардың қорытындысын заңгер Назкен Құсайынова жариялады. Олар Салтанат Нүкенованың басынан қан кетуінің себебі оның өлімінен 3-4 апта бұрын пайда болған гематома болуы мүмкін деп отыр.
Бұл айтылған тұжырым бұрынғы сот отырысында айтылған қазақстандық сарапшылардың шешіміне қайшы келеді. Судья ресейлік сарапшылардың қорытындысын дәлелдеме ретінде санауға болатын-болмайтынын шешу үшін ертеңге дейін үзіліс жариялады. Сот отырысы сәрсенбі күні сағат 10:00-де басталады.
