Жамбыл облысы Меркі ауданы Қызыл қыстау ауылында 19 жасында кенеттен көз жұмған Мәдина Рашидқызының анасы артында қалған жалғыз немересін көре алмай, жанайқайын білдіруде, деп хабарлайды Alash.kz.
Қайғылы оқиғадан кейін марқұм жас келіншектің артында он айлық шетінеген сәбиі қалған болатын. Блогер Жан Ахмадиев әлеуметтік желіде жариялаған бейнежазбадан қара жамылған ананың немересінің жүзін тым болмаса бір көру үмітімен құдаларының есігін қағып барған сәті анық көрінеді.
Алайда марқұмның енесі қаралы ананы үйге кіргізуден бас тартып, жас сәбиді көрсетуге үзілді-кесілді қарсылық білдірген.
«Сот арқылы, рұқсат алып көресіз», — деп қысқа қайырған енесі нағашы әжесінің бауырына баса алмай жүрген немересімен дидарласуына мүмкіндік бермеді.
Аталған жүрек тебірентерлік жағдай әлеуметтік желі қолданушыларының арасында үлкен резонанс тудырып, қызынан айырылып, енді немересіне жете алмай отырған ананың күйігіне жанашырлық танытқан жұртшылықтың қатты ашу-ызасын туғызды.
