Назаровтың анасын құттықтауы Мәжіліске өзгеріс жасауға себеп болды

Мәжіліс депутаты Ардақ Назаровтың мәжілістегі анасын құттықтаған әрекетінен кейін мәжілістегі регламент өзгеруі мүмкін, деп жазады Alash.KZ.

Депутат Ардақ Назаровтың парламент мінберінен жасаған күтпеген құттықтауы қоғамды әлі де дүрліктіріп жатыр, ал өзі әлеуметтік желілердің «жұлдызына» айналды. Ulysmedia.kz депутаттың әрекеті Мәжілісті жұмыс ережелерін қайта қарауға қалай итермелегенін анықтап көріпті. 

Мәжіліс жауабына қарағанда, Назаровтың депутаттық сауалдың алдында айтқан жеке құттықтауы орынсыз деп бағаланған. Парламент регламентінде мұндай жағдайлар тура жазылмағанымен, енді мінберді жеке құттықтаулар үшін пайдалану мүмкіндігін шектеу үшін өзгерістер енгізу мәселесі қарастырылып жатыр. Негізі, депутаттың бір эмоционалды әрекеті заң шығару органының ережесін түзетуге себеп болды.