Мұқасан Шахзадаев ісі: жәбірленушінің өміріне қандай қауіп төніп тұр?

Танымал әнші Мұқасан Шахзадаевке қатысты қозғалған қылмыстық іс әлі күнге дейін сотқа жетпеген. Жәбірленуші Ғалымжан Сүлеймен өзіне қысым көрсетіліп жатқанын айтып, өміріне қауіп төніп тұрғанын мәлімдеді, деп жазады Alash.KZ.

Ғалымжанның айтуынша, оны көшеде екі жігіт ұстап алып қорқытқан. Сондай-ақ белгісіз адамдар көлігінің дөңгелектерін босатып кеткен. Ол бұл әрекеттердің артында белгілі бір топтардың мүддесі болуы мүмкін екенін меңзеді.

Іс ҚР Қылмыстық кодексінің 107-бабы — денсаулыққа қасақана орташа ауырлықтағы зиян келтіру бойынша тергеліп жатыр. Алайда оқиғадан бері жарты жыл өтсе де, іс әлі сотқа жолданбаған.

Заңгер Инга Иманбай істің ұзаққа созылуына алаңдаушылық білдіріп, бұған ықпалды немесе танымал тұлғалардың әсері болуы мүмкін екенін айтты.