АҚШ пен Оңтүстік Корея сауда қатынастарында жаңа келісімге келді. Бұл туралы президент Дональд Трамп Truth Social платформасында хабарлады, деп жазады Aalash.KZ.
Мемлекет басшысының айтуынша, Сеул АҚШ-пен кедендік тарифтерді төмендету жөніндегі келісім аясында 350 миллиард доллар көлемінде төлем жасамақ. Сонымен қатар, Оңтүстік Корея америкалық мұнай мен газды ірі көлемде импорттауға ниетті.
Трамп бұл келісім екі ел арасындағы экономикалық әріптестікті жаңа деңгейге көтеріп, АҚШ экономикасына келетін инвестициялар жалпы сомасы 600 миллиард доллардан асатынын атап өтті.
Сондай-ақ, оның сөзінше, осы ынтымақтастық нәтижесінде Сеулге атомдық сүңгуір қайықтар өндірісін жүзеге асыруға мүмкіндік берілген.
