Жуырда ғана анасынан айырылған танымал тележүргізуші Анна Данченко өміріндегі ең ауыр кезеңде қолдау көрсеткен Баян Алагөзоваға алғысын білдірді, деп жазады Alash.KZ
Тележүргізуші Баян Мақсатқызының адамгершілігі мен жанашырлығын ерекше атап өтті. Оның айтуынша, продюсермен ұзақ уақыт тығыз жұмыс істемегенімен, оны әрдайым адами қасиеттері үшін жоғары бағалаған.
Анна Данченко анасының жерлеу рәсімін ұйымдастыру кезінде Баян Алагөзованың оған қомақты қаржылай көмек көрсеткенін айтты.
«Жерлеу рәсімін ұйымдастыру үшін қаншама нәрсе қажет екенін түсініп, маған осындай үлкен көлемде ақша жібердіңіз. Оны көрген сәтте мен одан сайын қатты жылап жібердім. Ақша үшін емес, мұндай қамқорлықты мүлде күтпеген едім», – деді ол.
Данченко бала кезінен ата-анасы оны қиындықтарды өз күшімен жеңуге үйреткенін, сондықтан әдетте ешкімнен көмек күтпейтінін жеткізді. Алайда осындай ауыр сәтте көрсетілген адамдық жылулық оған ерекше әсер еткен.
«Адамның жаны қатты ауырған кезде, адамдық жылулықты бұрынғыдан да терең сезінеді. Кейде бір ғана әрекет адамның кім екенін жүздеген сөзден де артық айтып береді», – деп жазды тележүргізуші.
Анна Данченко Баян Алагөзованың жасаған жақсылығы өзіне және отбасына еселеп қайтуын тілеп, бұл көмекті ешқашан ұмытпайтынын айтты.
Еске салайық, тележүргізушінің ата-анасы екі жыл аралықпен бірінен соң бірі дүниеден өткен еді.
