"Менсіз гендер-пати өткізіпті" - Қайрат Нұртас әйелімен қарым-қатынасы жайлы бар шындықты айтты

Қазақстандық әнші Қайрат Нұртас жары, бесінші баласына жүкті Жұлдыз Әбдікаримова өткізген гендер-патиге не себепті қатыспағанын айтып, жанкүйерлер сұрағына жауап берді, деп хабарлайды Alash.KZ.

Бұған дейін актриса төрт баласымен бірге мереке өткізіп, видеосын әлеуметтік желіде жариялаған. Сәбидің жынысын ашып айтпағанымен, қызының реакциясынан кейін желідегілер қыз болады деп болжаған.

Әлеуметтік желіде «Неге Қайрат қасында болмады?» және «Әкенің өзі қайда?» деген сұрақтар пайда болды.

Нұртас Instagram желісінде концерттен кадрлар жариялап:

«Жұмыста болдым, кеш қайттым. Менсіз гендер-пати өткізіпті, қызықты болған сияқты», – деп жазды.