Мемлекет басшысының Жарлығымен Дмитрий Малахов Қазақстан Республикасы Жоғары Сот Кеңесінің Төрағасы лауазымына тағайындалды
Қаржы мониторингі агенттігінің бұрынғы басшысы Дмитрий Малахов Жоғарғы Сот Кеңесінің төрағасы болып тағайындалды, - деп хабарлайды Alash.kz Tengrinews.kz-қа сілтеме жасап.
«Мемлекет басшысының Жарлығымен Дмитрий Михайлович Малахов Қазақстан Республикасы Жоғарғы Сот Кеңесінің төрағасы болып тағайындалды», - делінген хабарламада.
Бұған дейін сенаторлар Малаховты тағайындауға келіскен болатын.
16 қыркүйекте Дмитрий Малахов Қаржы мониторингі агенттігінің басшысы қызметінен босатылды. 2023 жылдың қазанында ол агенттік төрағасының орынбасары болып тағайындалды. Бұған дейін Малахов Сыбайлас жемқорлыққа қарсы іс-қимыл агенттігі төрағасының бірінші орынбасары қызметін атқарған (2022 жылғы наурыздан 2023 жылғы қазанға дейін).
