Мәйіттерді зорлады деген айып тағылған күзетші жігітке қатысты оның әріптестері біраз мағлұмат айтты. Бұл туралы Stan.kz мәлімдеді.
Психикалық ауытқуы бар күзетші мекемеде 2023 жылдан бері жұмыс істеп келген. Әріптестерінің айтуы бойынша, ол кішкентай балаларды да жыныстық қатынасқа итермелеген.
"Ол кісі біздің алдымызда осы жерде жұмыс істеген. Бала-шағасы бар-жоғын білмеймін. Естуімше, жалғыз тұрады, үш бөлмелі пәтері бар. Әпке-жездесі бар екен, бірақ олар бөлек тұрады екен. Әке-шешесі жоқ. Бізге мәйітхананың ішіне кіруге рұқсат жоқ. Біз сырта қақпаның есігін ашамыз, жабамыз. Бірақ ол кісі сол кезде жұмыста болған, сол сәтте ғимаратқа кірген шығар. Бәлкім сол кезде өзінің әрекетін іске асырған. Мен кеше ғана естідім де таңғалдым. Ол кісі психикалық ауытқуы бар адамдардың есебінде тұрған дейді. Өйткені кішкентай балаларды жыныстық қатынасқа тартқан деп естідім. Сіздерге беретін ақпарат осы ғана", – дейді мәйітханадағы күзетші әйел.
