Ақтау қаласының 31А шағынауданында бірнеше жасөспірім арасында қақтығыс орын алды, деп жазады Alash.KZ.
Оқиға туралы хабар түскен бойда полиция қызметкерлері дереу жетіп, төбелеске қатысқандарды анықтады. Барлығы ата-аналарының қатысуымен полиция бөлімшесіне жеткізілді. Құқық қорғау органдарының ақпаратына сәйкес, бұл дерек бойынша сотқа дейінгі тергеу басталды. Кәмелетке толмағандар профилактикалық есепке қойылды. Балаларын тиісті деңгейде тәрбиелемегені үшін ата-аналарға әкімшілік жаза қолданылды.
