Алматылық “Қайрат” футбол клубының қақпашысы Темірлан Анарбеков ауыр жарақатпен үзілістен кейін қатарға қосылды, деп хабарлайды Alash.kz.
Алматылық клубты қатарынан үш бірдей пенальти қайтарып, Чемпиондар лигасына шығарған қақпашы “Ақтөбе” футбол клубымен ойында сол жақ сүйегі мен ақыл тісін сындырып, ұзақ уақыт емделген болатын. Анарбековтың бұл жарақатына көпшілік алаңдаушылық білдіріп, тез сауығуына тілекші болды. Бүгін “Қайрат” футбол клубының әлеуметтік желідегі парақшасында 77-нөмірлі ойыншыны жаттығуға оралуымен құттықтаған сәтті жариялады.
