Белгілі продюсер Баян Алагөзова Кешью тобының 20 жылдық кешіне дайындық барысында деректі фильм түсіріп, бұрынғы құрамдағы топ мүшелеріне қатысты мәлімдеме жасады, деп хабарлайды Alash.kz.
Деректі фильмнің екінші бөлімінде Кешьюдің шығармашылық тобы Балжан Бидаштың сырт келбетіне қатысты пікір білдірген еді. Шығарылымды көрген әнші продюсерге хабарласып, назының барын ашық жеткізген. Бұл туралы Баян Мақсатқызы айтып берді.
Ол маған хабарласып, «Баян Мақсатқызы, неге бұлай айттыңыз? Мен ренжіп қалдым» деді. «Кешір! Бірақ, мен шынымен солай ойлаймын. Бұл - сенің емес, менің шындығым! Егер, өзіңді сұлумын деп есептесең, мархабат! Саған ешкім қарсы келмейді. Сен өзің үшін сұлусың. Мен үшін сұлу болған жоқсың! Сен Кешьюдың талаптарына сай емес едің. Мен продюсермін. Мен өзімнің командамда қандай қыздар болу керегін таңдаймын. Бұл - менің тәуекелдерім! Сенің емес! Мен саған болашаққа жол салып беремін.
