Англияда жүрген Ләйлә Сұлтанқызы жаңалығын жария етті, деп жазады Alash.kz ұлттық порталы.
“Кейде түс сияқты көрінеді…
Лондонға табан тірегелі 4–5 күн өтті. Қазір адаптация.Біраз уақыт бұрын Оксфорд университетінің Азия және Таяу Шығыс зерттеулері факультетінің BIRSoz ұйымынан шақырту алған едім. Жол түсіп, осында келдім.
BIRSoz - Оксфордтағы қоғамдық бастама, мақсаты - Түркі және Орталық Азия елдерімен мәдени, тілдік, ғылыми байланысты нығайту.
Ұстаздардың бір бөлігі келіп үлгерді, енді бір бөлігі жолда. Мен бос уақытты тиімді пайдаланып, ағылшын ұстаздарымен өз сабағымды бастап кеттім. Алдағы уақытта жоспарыммен, жаңалықтарыммен бөлісіп отырамын.
Әрине, бұл жаста зона комфортадан, жаңа ортаға бейімделу оңай емес. Бірақ өзім үшін бұл үлкен тәжірибе. Жаңа ортаға тез үйреніп, сіңісіп кетуімді тілеймін”,- деп жазды тележүргізуші.
