Каспий теңізінен адам құтқарып, өзі көз жұмған азаматтың еңбегі ескерусіз қала ма?

Ақтауда адамдарды құтқару кезінде қаза тапқан ер адамның отбасына баспана берілді, деп жазады Alash.KZ.

Марқұмның отбасына жаңа үш бөлмелі пәтердің кілті табысталған.

Қайғылы оқиға 26 шілде күні Каспий теңізінің жағалауында болған еді. Ерлан Шонтабаев суға шомылуға тыйым салынған аумақта теңізге ағып бара жатқан екі қызды құтқарып қалған.

Үшінші ер адамды құтқармақ болып көмекке ұмтылғанда қатты толқындарға байланысты өзі судан шыға алмай қалған.