Жедел жәрдем қызметкерін ұрып, екі жылға сотталып кетті

Жедел жәрдем жүргізушісін соққыға жыққан Нұрболат Дәкебаев екі жылға сотталды, деп хабарлайды Alash.KZ.

Судья Бақтияр Ақанов Нұрболат Дәкебаевты бұзақылық ниетпен денсаулыққа қасақана орташа ауырлықтағы зиян келтіргені үшін кінәлі деп тапты.

Оқиға биыл 27 қаңтар күні болды. Қызуы көтеріліп қатты ауырып жатқан 1 жасар балаға келіп тұрған жедел жәрдем көлігі жүргізушісін «жол бермедің» деп ұрып тастаған еді.

Нұрболат Дәкебаев жүргізушіге 2 млн теңге көлемінде моральдық шығын және жәбірленушінің емделуіне кеткен қаржыны өтеуге міндетті (12 мың теңге). Сонымен қатар өкілдің жұмысы үшін - 700 мың теңге.