Алматы облысында полиция қызметкерлерінің жоспарлы оқу-жаттығуы кезінде жарық-шу гранатасы іске қосылып, бірнеше тәртіп сақшысы жарақат алды, деп хабарлайды Alash.kz.
Алматы қалалық полиция департаментінің баспасөз қызметі оқу-жаттығу алаңында төтенше жағдай орын алғанын растап, ресми мәлімдеме жасады.
ПД таратқан ақпаратта:
«Техникалық оқиға болған жердің жанында болған бөлініс қызметкерлеріне уақтылы медициналық көмек көрсетілді. Қызметтік тексеріс жүргізіліп жатыр», – делінген.
Сонымен қатар, құзырлы орган өкілдері әлеуметтік желілер мен мессенджерлерде тараған мәліметтерді жоққа шығарды.
Сурет: Михаил Козачков (Telegram)
Желіде снарядтардың бірінен соң бірі жарылып, салдарынан 15 полицей зардап шеккені және олардың Қонаев қалалық ауруханасына ауыр халде жеткізілгені туралы ақпарат тараған болатын.
