Жантүршігерлік оқиға: 9-сынып оқушысы 4-сынып оқушысын малша бауыздап тастады

Қайғылы оқиға 17 желтоқсанда Ресейдің Мәскеу облысындағы Успен мектебінде тіркелді. Алдын ала мәліметке сәйкес, 15 жастағы 9-сынып оқушысы мектеп ішінде бұрыш баллонын шашып, кейін күзетші мен 4-сынып оқушысына пышақпен шабуыл жасаған. Ауыр жарақат алған 10 жастағы бала көз жұмды, деп жазады Alash.KZ.

Полицияның хабарлауынша, шабуыл жасаған жасөспірім — осы мектептің оқушысы Тимофей К. Күдікті ұсталып, Ресейдің Тергеу комитеті «кісі өлтіру» және «кісі өлтіруге оқталу» баптары бойынша қылмыстық іс қозғады.

Тәжікстанның Сыртқы істер министрлігі қаза тапқан баланың Тәжікстан азаматы — Кобилджон Алиев екенін растады. Ведомство мәлімдемесінде шабуылдың ұлттық өшпенділік негізінде жасалғаны айтылған.