Белгілі тележурналист Руслан Өтепбай әлеуметтік желідегі парақшасында Атырауға барғанын, Жангелдин ауылындағы ізтүссіз жоғалған отбасыға қатысты зерттеу жүргізіп қайтқанын айтты, деп жазады Alash.KZ.
"Бүгін Атыраудағы соңғы күнім. Қала тамаша екен. Тұрғындары тіпті бөлек. Қызыл балықтан бешбармақ жеп, Жайықтың үстінде жаяу жүріп қайттым" дейді журналист.
"Атырауға келу себебім- Жангелдин ауылына барып, зерттеу жұмыстарын жүргіздім. Ол туралы келесі апта баяндаймын" дейді сапарының мақсаты туралы.
"Ал ертең Шымкентке барып, қаскөйдің қолынан қаза тапқан Нұрай Серікбайдың ағасынан сұхбат аламын. Сапарымыз сәтті болғай" деген журналистің қоғамдағы ең даулы оқиғалардың ортасында жүргенін айта кетейік.
