Нипах – аса қауіпті инфекция, емі әлі табылмаған. Вирустың ошағы – Малайзия, Үндістан, Бангладеш. Нипах ауа арқылы таралмайды, көбіне дене арқылы байланысқа түскенде жұғады. Негізгі резервуары – жарқанат, деп жазады Alash.KZ.
"Жарқанаттың сілекейі, сұйықтығы жеміс-жидекке тиіп, оны дұрыс жумай пайдаланғанда жұғуы мүмкін. Бастысы жеке гигиенаны сақтау керек", - дейді санитарлық-эпидемиологиялық қадағалау комитетінің басқарма басшысы Жасұлан Алпысбаев.
Нипах вирусын жұқтырған адамның дене қызуы көтеріліп, әлсіреп, басы ауырады. 3-4 күнде ұмытшақтық пайда болып, тіпті сандырақтайды, өкпесі қабынады, дейді мамандар.
Айтуынша, әсіресе шетелде саяхаттап жүргенде көше тағамын жеуден аулақ болу керек.
