Бүкіләлемдік бокс ұйымы (WBO) қаңтар айының жаңартылған рейтингін жариялады, деп хабарлайды Alash.KZ.
Орта салмақта WBO және IBF чемпионы Жәнібек Әлімханұлы (17-0, 12 КО) ұйым рейтингінде өз чемпиондық мәртебесін сақтап қалды.
Рейтингтің алғашқы үш сатысына британиялық Дензел Бентли, венесуэлалық Эндри Сааведра және кубалық Йоэнлис Эрнандес орналасты.
Еске салайық, желтоқсан басында Жәнібек Әлімханұлының А допинг-сынамасы оң нәтиже көрсеткені белгілі болған еді. Осыған байланысты оның WBA чемпионы, кубалық Эрисланди Ларамен титул біріктіретін жекпе-жегі кейінге қалдырылды. Спортшы командасының бастамасымен 9 қаңтарда В сынамасы ашылып, оның да тыйым салынған заттың бар екенін растағаны туралы ақпарат тараған. Алайда бұл іс бойынша ресми шешім әлі шығарылған жоқ. Тергеу аяқталғанға дейін Әлімханұлы уақытша жарыстардан шеттетілді.
