Израильдің барлау қызметі Моссад Иранның ядролық қару жасау идеясынан бас тартпағанын жариялады, деп хабарлайды Аlash.kz.
Израильдің арнайы қызметі Иранның әр іс-әрекетін бақылап отырғанын айтты. Барлау қызметі Тегеранның жасырын қадамдары дер кезінде анықталып, қажетті жауап берілетінін жеткізді.
«Иран Израиль мемлекетін жою амбициясынан бас тартқан жоқ. Олар әлі де ядролық қару жасау идеясын іске асыруға ниетті. АҚШ-пен бірлесе отырып жойқын соққы жасаған едік, ендігі міндетіміз Иран билігіне сол жобаны қалпына келтіруге мүмкіндік бермеу», — деп мәлімдеді Моссад.
