Актөбелік блогер Эммануэлла Наурызбаева мешітте қолайсыз жағдайға тап болған, деп жазады Alash.kz.
Ол облыстық орталық “Нұр Ғасыр” мешітіне жай ғана құлшылық етуге барған. Алайда сол жерде бейтаныс ер адам оған интимдік қатынас үшін “бір реттік никах” ұсынған.
Жігіттің сақалын сипап, “неке қиялық” деп қырындаған сәті видеоға түсіп қалған. Бұл бейнежазбаны Эммануэлла кейін Instagram желісінде жариялап, қоғамда резонанс тудырды.
Эммануэлла бұл әрекет үшін мешіт әкімшілігі мен құқық қорғау органдарына шағым түсірді.
Сорақысы сол - қырындаған ер адам психиатриялық есепте тұрған азамат болып шықты!
Оның “сары картасы” бар екені анықталып, заң алдында толық жауап бере алмайтыны белгілі болған.
“Мүмкін, Алла Тағала мені басқа қыздарды ескерту үшін осындай жағдайға ұшыратқан шығар. Кейін бұл адамның ақыл-есі кем, арнайы “сары картасы” бар екені және есепте тұрғаны анықталды. Өкінішке қарай, ол зиян келтірсе де, заң алдында жауап бермейді. Сондықтан сіздерден өтінемін – бұл адамнан аулақ жүріңіздер. Алла оның жүрегі мен ақылын емдесін!”
