2023 жылғы 7 қазанда палестиналық ХАМАС тобы кепілге алған Израильдің үш азаматы босатылып, еліне оралды, деп жазады Alash.KZ.
Бұл туралы Израиль қорғаныс армиясы мен елдің қауіпсіздік қызметі хабарлады.
Кепілдегі адамдар Газа секторындағы атысты уақытша тоқтату туралы келісім аясында босатылды. Келісім 19 қаңтар таңертең күшіне енген.
ХАМАС тобы бұған дейін кепілдегі адамдарды Халықаралық Қызыл крест комитетінің өкілдеріне тапсырған. Израиль армиясының хабарлауынша, оларды еліне әскерилер мен қауіпсіздік күштері қызметкерлері жеткізген. Кепілден босағандар отбасымен қауышқан. Алда медициналық тексеруден өтуі керек.
Бұқаралық ақпарат құралдарының жазуынша, үш әйел кісі кепілден босатылған.
ХАМАС тобын АҚШ пен Еуроодақ террористік топтар тізіміне қосқан.
ХАМАС кепілдегі үш азаматты босатты
11:13, 20 қаңтар 2025
Фото Азаттық радиосы
Соңғы жаңалықтар
Сүйінші! Михаил Шайдоров мәнерлеп сырғанаудан Олимпиада Чемпионы атанды (ВИДЕО)
03:56, 14 ақпан 2026