Германияда Магдебургтегі Рождество базарында оқыс оқиға болып, адам қарасы қалың ортаға көлікпен кіріп, жолындағының бәрін жайпап өтті. Салдарынан бес адам қаза тапқаны хабарланды, деп хабарлайды Alash.KZ ұлттық порталы.
Магдебургтегі шабуылда қаза тапқандар саны беске жетті.
Рождестволық базарлардағы қауіпсіздік шаралары Баварияда, Тюрингияда, Гамбургте және Германияның басқа аймақтарында күшейтіледі, деп хабарлайды Spiegel.
Магдебург жәрмеңкесі биыл қайта ашылмайды. Соқтығысқан күдікті қамауға алынды. Ол Сауд Арабиясынан келген 50 жастағы тұрғын болып шықты. Оның Германияға 2006 жылы келгені, дәрігер болып жұмыс істейтіні хабарланды. Berliner Zeitung басылымы оның Сауд Арабиясында терроризм мен адам саудасы үшін айыпталғанын хабарлады. Ол өз отанынан қашып, Германияда жасырынған.
Еске сала кетейік, Германияда Магдебургтегі Рождестволық базарда оқыс жағдай болды. Жұманың кешінде ескі базар маңында BMW көлігін тізгіндеген күдікті қалың нөпір ішіне кіріп, айналасын тып-типыл қылды. Көптеген адам зардап шекті. Шабуыл фактісін Германия үкіметінің спикері Маттиас Шуппе растады.
