Қайрат Боранбаевқа 679 миллион теңге қайтарылады. Қазақстандық кәсіпкер апелляциялық сотта жеңіске жетті. Боранбаев осы уақытқа дейін мемлекетке қайтарып келе жатқан болатын, осы жолы Боранбаевтың қайтарып алғаны қалай? Әлеуметтік желіде бұл жағдайды кейбіреулер "ескі Қазақстандықтардың" әлі де аттан түспегенін көрсетеді деп жазып жатыр.
Сот кабинетіндегі материалдарға сәйкес, 2021 жылы Боранбаев Астана қаласында жеке тұрғын үй құрылысын салуға мердігер ұйыммен шарт жасасқан. Алайда, жауапкер шарт талаптарын бұзған.
Боранбаев ол үшін бірнеше аргумент келтірген: жұмыс сапасының төмендігі, кестеден кешігуі, шұғыл ұйымдастырушылық-техникалық шараларды қабылдау қажеттігі туралы бірнеше рет жіберілген хабарламаларға қатысты жауапкердің әрекетсіздігі.
Мердігер қарсы талап қойып, орындалған жұмысты жарамсыз деп тануды, Боранбаевқа 73,9 мың еуро көлемінде тауарлық-материалдық құндылықтарды қабылдауды және шамдарға ақы төлеуді міндеттеуді сұрады.
Нәтижесінде сот мердігерден 679 млн теңгені және 6 793 414 теңге мемлекеттік баж салығын төлеуге кеткен шығынды өндіру туралы шешім қабылдады. Компанияның шағымы қанағаттандырусыз қалдырылды.
