Оның айтуынша, біраз өңірде қалдықтарды сұрыптап бөлек жинау жұмыстары ұйымдастырылған.
«Әкімдіктердің ақпаратына сәйкес, еліміздегі 207 қала мен аудан орталықтарынан 130 елді мекенде әр түрлі кезеңдерде қалдықтарды бөлек жинау, 103 елді мекенде сұрыптау желілері немесе қолмен сұрыптау ұйымдастырылған. 2023 жылы республика бойынша қатты тұрмыстық қалдық (ҚТҚ) полигондарының саны 3016 болды. Өкінішке қарай, соның 624-і (20,6%) экологиялық және санитариялық нормаларға сәйкес», – деді министр ОКҚ-де өткен брифинг барысында.
Нысанбаевтың сөзінше, қазіргі кезде әкімдіктерге қалдықтарды басқару инфрақұрылымын дамытуға қажетті құзыреттер беріліп отыр.
Фото: Pixabay
