Түркістан облысы жемқорлықпен аты озып тұр. Облыс әкімінің орынбасары Бейсенбай Тәжібаев "Түркістан облысында не себепті жемқорлық жағдайлары көп?" деген сұраққа жауап берді бүгін.
– Ондай әңгімелер әрдайым айтылады. Бірақ оның бәрін шын мәнінде солай деп айта алмаймын. Өйткені, жұмысқа қабылдаудың бәрі де эектронды форматта іске асады. Сондай бір “привычка” ел аузында қалыптасқан – алады екен, осындай болады екен деген, – дейді ол.
Бейсенбай Тәжібаев өңірде 2,5 мыңнан астам білім беру ұйымдары барын айтады. 81 мың мұғалім бар.
– Әрине, жұмысқа сұраныс жоғары, өйткені жұмыссыздық негізгі мәселенің бірі. Сондықтан, көп адам бюджеттік мекемелерге жұмысқа тұрғысы келеді. Осындай мәселелер бойынша бізде қадағалау бар. Құзырлы органдар бәрін заңға сәйкес атқарып келе жатыр. Жемқорлық мәселесі өзекті. Ұсталғандар жазаланып жатыр, – дейді ол.
