Журналист Гүлбану Әбенова Димаш Құдайбергенге саяси астары бар кеңес беріп, ой салды. Оның "биік болмысына көлеңке түсіретіндермен араласудан аулақ болуға" шақырды. Бұл туралы ол Facebook желісіндегі парақшасында жазды, деп хабарлайды Alash.KZ ұлттық порталы Caravan.kz медиа порталына сілтеп.
"Барысовтың Димаш Құдайбергенді брондалған көліктерді жинайтын зауытына шақырған видеосын оқырмандарым жіберді. Украинада болған әскери техниканың зауыты Димашқа не үшін қажет екенін білмедім. Сол үшін Барысов оған үлкен көлемде ақша төлеген бе?
Айналайын, Димаш! Ұры, алаяқтармен байланысып, өзінің осы ақ костюміңдей өз атыңа кір келтірме.
Сені Саясат Нұрбек ғылым мен Болашақты жарнамалау үшін пайдаланды. Болашақ бойынша сені пайдаланды. Мен сынағаннан кейін ақылың мен батылың жетіп сен одан бас тарттың.
Сенің аузыңнан халық бәрін де қабылдайды, өйткені саған сенеді. Бірақ саған айналаңда жүрген адамдарды жақсылап таңдау керек.
Мысалы мына кісі мемлекеттен 4,7 млрд алып жұмыс техникасын орнына қоймай, жауынгерлік модульдерді ауыстырмақ болды ма?
Айбек Барысов 4,7 млрд халық ақшасын алып, осы ақшаға ақаулы техниканы жинап, мемлекетке жеткізді. Әрі қарай, ол ақаулы техникасын қабылдау үшін мемлекеттік органды сотқа берді, бірақ ұтылды. Енді ол мемлекет пен Қазақстан халқына 4,7 млрд. теңге және 146 млн. мемлекеттік бажды өтеуге тиіс. Бірақ бір жылдан астам уақыт өтті, ол халықтық ақшаны мемлекетке қайтармады.
1 жылдан аса уақыт өтті халықтың ақшасын мемлекетке қайтарар емес. Қайтарғысы келмейді немесе қайтарар ақшасы жоқ. Сол себепті жемқорлар оның техникасын қабылдамай жатыр деген халықтың пікірін өзіне қарату үшін пиармен айналысып жатқандай.
Димаш, сен жұлдызсың! Олардың деңгейіне түспе”, — деп жазды журналист.
