Маңғыстау облысында полиция қызметкерлері мен жақындары Ақтөбе облысының тумасы, 31 жастағы Жандарбек Сейілхановты іздестіріп жатыр, деп хабарлайды Alash.KZ
lada.kz жазғандай, ер азамат үстіміздегі жылдың 15 тамызында кешкі уақытта үйінен автокөлікпен шығып кеткен. Содан бері ол үйіне оралмаған және ұялы телефоны өшірулі тұр.
Мұнайлы аудандық полиция бөлімінің мәліметінше, 1995 жылы туған Сейілханов Жандарбек Бекбергенұлы Бесшоқы ауылындағы үйінен сағат 17:00-18:00 шамасында Toyota Camry маркалы көлігімен шыққан. Туыстарының айтуынша, ол достарымен кездесіп, серуендеп қайтуды жоспарлаған.
Жоғалған азаматтың белгілері:
- Бойы: 170-175 см, дене бітімі орташа.
- Сырт келбеті: Шашы қара әрі қысқа, көзі қою қоңыр.
- Киген киімі: Ақ жолақты футболка, қоңыр түсті шалбар және қара спорттық аяқ киім.
Тәртіп сақшылары мен Жандарбектің жақындары оның қайда екенін білетін немесе көрген-білген азаматтардан мына телефон нөмірлеріне шұғыл хабарласуды сұрайды: 102, +7 (7292) 46-50-02, +7 (702) 814-13-00, +7 (707) 590-67-00.
