"Дәрігерлер кінәлі" - Түркістан облысында төрт жасар бала комаға түскен (ВИДЕО)

Ойламаған жерден баласының талмасы ұстаған Ұлжалғас Жүзей жедел-жәрдемге жүгініпті. Бірақ, асығып ауруханаға барғанымен 6 сағат бойы дәрігерді күттік деп, ашынады ата-ана.

Түнде түскен 4 жасар Әлирахманды дәрігерлер таңғы тоғызда бір-ақ қараған. Оған дейін іші ауырған балақайдан әл кетіп, көп ұзамай есінен таныпты. Содан бері бүлдіршін комада жатыр. Дәрігерлер болса әлі күнге дейін нақты диагнозын қоя алмай отыр дейді анасы.

Арыс ауруханасының басшылығы болса мекемеде не компьютерлік тамография, не МРТ аппараты жоқ дейді. Сондықтан Әлирахманның диогнозын да анықтай алмаған.

Бір аптадан бері иненің ұшында жүрген Әлирахман Сейтханның ата-анасы дәрігерлер қол қусырып отыра бермесе дейді. Жалғыз ұлдан айрылғысы келмеген жанұя денсаулық сақтау министрлігінен араша сұрап отыр.