Қасым-Жомарт Тоқаев Париж олимпиадасынан кейін туризм және спорт министрін қызметінен босатты. Экс-министр Ермек Маржықпаев желіде бұған қатысты мәлімдеме жасады, деп хабарлайды Alash.KZ. ұлттық порталы.
Өз сөзінде бұрынғы министр Ермек Маржықпаев президент пен үкіметке алғыс айттып, Отандық туризм мен спортта қолға алған бастамалар алдағы уақытта жалғасын тауып, жемісін береріне сенетінін жеткізді.
“Туризм және спорт министрі лауазымындағы қызметім аяқталды. Бұл менің өмірімдегі өте маңызды кезең болды. Президент пен үкіметке маған артқан сенімі үшін, сондай-ақ әріптестеріме бірлесе жұмыс істегені үшін алғысымды білдіремін. Отандық туризм мен спортта қолға алған бастамалар алдағы уақытта жалғасын тауып, жемісін береріне сенемін”, – деді ол.
