Олимпиада чемпионы Данияр Елеусінов АҚШ-та ем қабылдап жатқанын хабарлады, деп жазады Alash.KZ.
Қазақстандық боксшы бұған дейін алкогольге тәуелділік мәселесімен күресіп жүргенін ашық айтқан болатын.
Спортшының сөзінше, қазір оған тек дәрі-дәрмекпен емдеу емес, арнайы кешенді бағдарлама бойынша көмек көрсетіліп жатыр.
«Бұл дерттен арылуға шындап кірістім. Жақын арада бұрынғы көңілді, бақытты Данияр қайта оралады», – деді боксшы.
Елеусінов кәсіби мансабын аяқтауды жоспарламайтынын да атап өтті. Қазақстандық спортшы соңғы жекпе-жегін 2025 жылдың шілдесінде АҚШ-та өткізген. Сол кездесуде ол филиппиндік Джеймс Бэконды техникалық нокаутпен жеңген. Боксшы алдағы уақытта кәсіби рингтегі мансабын жалғастыруды көздеп отыр.
