"Осы референдумды Қазақстанның демократиялық даму жолындағы маңызды қадам деп қабылдауға әбден болады.
Бүгінгі дауыс бері Президентіміздің "Халық үніне құлақ асатын мемлекет" тұжырымдамасының жүзеге асырылатындығының айғағы.
Өздеріңіз білесіздер, Президентіміз Қасым-Жомарт Тоқаев елдің болашағына қатысты мәселелерде тек мемлекеттік органдар аясында ғана емес, халықтың қатысуын, шешімін маңызды деп біледі.
Бүгінгі референдум АЭС-тің салыну-салынбауына қатысты болып отыр. Дегенмен бүгінгі дауыс беруді елімізде жаңа саяси мәдениетті қалыптастыруға арналған шара деуге болады", – деді Әшімбаев.
Астанада Ұлттық академиялық кітапханада орналасқан №164 учаскесінде дауыс беру сағат 7:00-де басталды. Аталған учаскеде 2114 дауыс беруші тіркелген. Сонымен қатар 26 байқаушы қатысып отыр, оның ішінде халықаралық байқаушылар да бар. Алғаш болып дауыс берген елорда тұрғынына кішігірім сыйлық берілді.
6 қазанда сағат 07:00-де облыстардың, республикалық маңызы бар қалалардың, барлық 10 249 учаскесі дауыс беруге кірісті. Тек 84 учаске өз жұмысын 06:00-де бастады. Өз таңдауын үкімет басшысы Олжас Бектенов жасап үлгерді.
