Боранбаев абақтыдан шыққан соң «Қайрат» футбол клубындағы жұмысына оралды

Қазақстан футбол федерациясының кезекті XXV конференциясында кәсіпкер Қайрат Боранбаев ҚФФ атқару комитетінің мүшелігіне қайта қабылдау қарастырылды. Нәтижесінде, ол комитет мүшелігіне бірауыздан қабылданды, деп хабарлайды Alash.KZ.

Конференцияда атқару комитетінің мүшелігіне Қайрат Боранбаев қабылдады. Оған ешкім қарсы дауыс берген жоқ.

Естеріңізде болса, Қайрат Боранбаев бұған дейін атқару комитетінде мүше болған. Бірақ осы жылдың жазында мүшеліктен шығып қалған еді.

Естеріңізде болса, 14,5 миллиард теңгені жымқырды деп айыпталған белгілі кәсіпкер Қайрат Боранбаев алты жылға сотталған. Дегенмен оның жазасы өзгертіліп, бас бостандығын айыру жазасы шектеу шарасына ауыстырылды. Сот үкімі күшіне еніп, былтыр 6 қарашада Қайрат Боранбаев бостандыққа шықты.

Абақтыдан кейін өзі басқаратын «Қайрат» футбол клубындағы жұмысына оралды. Бұдан бөлек маусымның басында Ұлттық паралимпиада комитетінің президенті болып қайта сайланды.