Қазақстанның туризм және спорт министрі Ермек Маржықпаев Париждегі Олимпиада ойындарына қатысқан отандық спортшыларға қатысты түсініктеме берді, деп хабарлайды Alash.KZ ұлттық порталы.
"Әрине, біз бүгін спортта Азия ойындарынан кейін, Олимпиадалық ойындардан кейін көптеген сұрақ туғанын, бокста да, теннисте де өте күрделі проблемалар бар екенін көріп отырмыз. Үйге барғаннан кейін барлығының есебі болады, - деді ол 24kz телеарнасына берген сұхбатында.
Бұл ретте ол қазақстандық боксшылардың жекпе-жегі туралы арнайы айтты.
"Егер боксшылар туралы айтатын болсақ, әрине, біз жанкүйерлердің күйзелістерін жақсы түсінеміз, өйткені бұл Қазақстандағы бірінші спорт түрі. Ел боксшылар үшін алаңдады деп айтуға болады. Бірақ, өкінішке қарай, проблеманың бары рас", - деп атап өтті министр.
Маржикпаев о выступлении сборной Казахстана на Олимпиаде (youtube.com)
Оның пікірінше, бокстағы проблемалар баяғыда басталған. Бұған Токиодағы жазғы Олимпиада ойындарының нәтижелері дәлел болды, онда спортшылар тек екі қоланы жеңіп алды.
