АҚШ президенті Дональд Трамп Ресей президенті Владимир Путин жайлы мәлімдеме жасады, деп жазады Alash.kz ұлттық порталы.
«Ол бірдеңені алғысы келеді. Олар соғысып жатыр және оның белгілі бір аймақтарды бақылауға алғаны бар. Яғни ол қазірдің өзінде біраз жерді иеленіп отыр», – деді АҚШ президенті.
Трамп Украинаны қарумен қамтамасыз ете алмайтынын мәлімдеді.
«Біз мұны істей алмаймыз. Мен Зеленский мен Украинаға өте мейірімді болдым. Бірақ егер өзімізге қару-жарақ жетпей қалса, мен АҚШ-ты қауіпке тіккім келмейді», – деді Трамп Fox News телеарнасына берген сұхбатында.
