50 жастағы ер адам такси жүргізушісінің бетінен ұрып, оның қолын сындырды, деп хабарлайды Alash.kz irbistv.kz-ке сілтеме жасап.
Павлодар қалалық сотының материалдарына сәйкес, 2024 жылдың мамыр айында қала тұрғыны әйелімен бірге мерекеден үйіне қайтып келе жатқан.
Таксиге отырған соң, жүргізушіге қалай жүру керектігін нұсқаған. Жүргізуші оның кеңестерін елемей, соның салдарынан олардың арасында жанжал шыққан.
Айыпталушы көлік ішінде таксистің бетіне соққы жасаған. Жанжал көше бойында жалғасып, таксистің қолы сынумен аяқталған.
Сонымен бірге, айыпталушы өзін зардап шеккен тарап санап, ешкімді ұрмағанын, керісінше, өзінің мұрны сынғанын мәлімдеді.
«Жүргізуші оның бірнеше рет бетінен ұрған. Салдарынан оның мұрнынан қан кеткен. Кейін әйелі полиция шақырды. Содан соң олар Оңтүстік полиция бөліміне бірге барды. Оларды үйіне жібергеннен кейін, таңға жуық әйелімен бірге аурухананың қабылдау бөліміне барған. Бірақ киімі мен өзі қан болғандықтан, әріптестерінің алдында ұялып, үйіне қайтып кеткен. Алайда келесі күні оның беті ісіп, басы айналып, денесінде гематомалар пайда болған соң, ауруханаға жүгінген. Дәрігер мұрнының сынғанын анықтап, оған операция қажет екенін айтқан», – деп көрсетілген Павлодар қаласының №2 сотының үкімінде айыпталушының түсініктемелері.
Жиналған дәлелдерді ескере отырып, сот хирург-дәрігердің кінәсі дәлелденді деген қорытындыға келді. Ал өзінің жәбірленуші екені туралы мәлімдемесі жауапкершіліктен жалтару әрекеті ретінде бағаланды.
Сот айыпталушыны 300 сағат қоғамдық жұмысқа тартуға және моральдық зиянды өтеу үшін таксистке 50 мың теңге төлеуге міндеттеді.
