Әлеуметтік желіде қарт ата-анасын шетелге апарып қыдыртқан қыздың видеосы тарады, деп хабарлайды Alash.kz ұлттық порталы.
Видеода “Ата-анаңның бізге құртпа, деген сөзіне сеніп жүрсің бе?” деп жазылған сөзі бар. Қаралым саны миллионнан асып кеткен бұл видео көптің ыстық ықыласына бөленді.
26 жастағы Салтанат ата-анасына шетелге тұңғыш рет саяхаттау мүмкіндігін сыйлады. Бортсерік болып жұмыс істейтін ол олардың көптен күткен арманын орындап, Таиландқа аттандырды.
“Өмірін балаларына арнаған ата-анасы табиғаттың сұлулығына, тай қонақжайлылығына тәнті болды, әсіресе пілдермен экскурсия ерекше әсер қалдырды”,- деді қызы.
Енді Салтанат ата-анасын қасиетті Меккеге апарып, олардың армандарын жүзеге асыруды мақсат етіп отыр.
