Астанада тұрғын үй ауласында кішкентай баланы көлік қағып, қаза тапты, деп жазады Alash.kz.
Қайғылы оқиға 3 мамырда Иманов көшесіндегі тұрғын үйдің ауласында болған. Бала 1 жас 8 айлық болған.
"Kia Seltos маркалы автокөліктің жүргізушісі көлікпен қозғалып келе жатып, жолға жүгіріп шыққан кішкентай баланы қағып кеткен. Жол-көлік оқиғасы салдарынан бала алған жарақаттарынан оқиға орнында көз жұмды", - делінген полиция таратқан хабарламада.
Аталған оқиға бойынша қылмыстық іс қозғалып, тергеу амалдары жүргізіліп жатыр.
