Мәскеу облысының Тергеу комитеті баспасөз қызметінің мәліметінше, 2024 жылдың қаңтарынан бастап ерлі-зайыптылар өз қызын ұрып-соғып отырған, деп хабарлайды Alash.kz.
Сондай-ақ, ата-анасы 2012 жылы туған қызына қыздырылған металл заттармен күйік салған.
“Тергеу барысында күдіктілер кінәсін мойындаған жоқ, олар баланың жарақаттарды өзіне өзі салғанын айтты”, – деп хабарлады баспасөз қызметі.
Қазіргі уақытта іс бойынша сот-медициналық және психологиялық-психиатриялық сараптамалар тағайындалды. Жақын арада күдіктілерге ресми айып тағылмақ.
Ресейлік БАҚ-тың хабарлауынша, 12 жастағы қыз үйінен қашып шығып, полицияға жүгінген. Ол ата-анасының оны үнемі қинап, азаптағанын айтқан.
Қыздың денесінде көптеген жарақаттар мен тыртықтар анықталды. Әкесі мен анасы оны “тәрбиелеу” мақсатында отта қыздырылған металл заттармен күйдіріп отырған.
