Павлодарда ер адам кішкентай қызды ұрып-соққан. Бұл ақпаратты өңірдің балалар омбудсмені Сауле Шәкенова растады, деп хабарлайды Alash.kz.
Агенттікке берген түсініктемесінде Сауле Шәкенова ер адамның өзінің бірге тұратын әйелінің кіші қызын ұрып-соққанын айтты.
«Тергеу нұсқасы бойынша, ол әйелінің кіші қызына дене жарақатын салған. Қазіргі уақытта ер адам ұсталып, уақытша ұстау изоляторына қамалды. Ол ҚР ҚК 107-бабының 2-бөлігі 3-тармағында көзделген қылмыстық құқықбұзушылықты жасады деген күдікке ілінді», – деді балалар омбудсмені.
Павлодар облыстық полиция департаменті қылмыстық іс қозғады.
«Денсаулыққа қасақана зиян келтіру фактісі бойынша қылмыстық іс қозғалды. Күдікті ұсталып, Павлодар полиция басқармасының уақытша ұстау изоляторына қамалды», – деп хабарлады ведомстводан.
Белгілі болғандай, қыз бар болғаны екі жаста. Қазір ол ауруханада ем қабылдап жатыр.
