Дау мен төбелестің негізгі себебі ретінде өзге бағытта намаз оқыған иланушының соққыға шығылуы жиі аталады Оқиға қаладағы Әбдусаттар Сманов мешітінде болған. Видеоға бажайлап назар салсаңыз, мешітте намаз оқып жатқан жамағатты, бір қатарда тұрған мұсылман бауырлардың жөпелдемеде жаға жыртысып, төбелесе кеткенін көруге болады. Яғни, бір сәтте ер адам күтпеген жерден қасында тұрған азаматты ұрып құлатып, аяғымен тепкілей бастайды. Мешіт имамы бұл оқиғаның мән-жайын былай түсіндірді:
"Өзге өңірден келген 10-15 шақты азаматқа намаз алдында имам бірнеше рет ескерту жасаған. Бізде ҚМДБ бойынша, ішкі тәртіп бойынша бүкіл Қазақстан аумағында Ханафи мәзһабында "әминді" іштен айтылады деп ескертілді және де осы ескертуге құлақ аспастан бірнеше рет намазды бұзуға, имамның жұмысына кедергі жасаған азаматқа шыдай алмаған жамағатымыз оны қатты эмоцияға беріліп, қол жұмсап жіберді", - деді мешіт имамы Берік Шотабеков.Шымкеттегі шулы оқиғаға қатысты жағдайға байланысты ҚМДБ да мәлімдеме жасады:
....Намаз кезінде “әмин” дұғасын қатты дауыспен айтқан жандардың әрекетіне төзбеген мешітке тұрақты келуші бір азамат олардың біріне қол жұмсаған. Нәтижесінде имам жамағат намазын тоқтатуға мәжбүр болған. Оқыс оқиға дер кезінде тоқтатылып, полиция қызметкерлері тиісті жұмыс жүргізуде.
Қазақстан мұсылмандары діни басқармасы мешітке келуші жамағатты мешіт ережесіне бағынуға, сонымен қатар құлшылық үйінде сабыр сақтап, көркем мінез танытуға шақырады", - деп жазды ҚМДБ.
Сондай-ақ, ҚМДБ "Мешіт ережесі" бойынша Қазақстан мұсылмандарының ауызбіршілігі мен біртұтастығын қамтамасыз ету үшін намаз бен діни рәсімдер Әбу Ханифа мәзһабы бойынша орындалатынын ескертті.
Дұрыс мүфтият талабы, ресми тіркелген Діни ұйымға қарасты барлық мешіттерде ортақ тәртіп болу заңдылық. Сол себептен ол тәртіп тек Әбу Ханифа мәзһабы бойынша негізделу керек. Және Әбу Ханифа ұстанымына қарсы болса құқық қорғау органдары тексеру керек шара қолдану міндетті. Қазір ұшығып тұрған кезең, заңсыз қызмет атқаратын секталардан әсіресе терроризм идеологиясын таратушы ағымдардан сақтанған дұрыс, - деді Әбенов.
- Көзбен көрмегесін сенбейсің ғой, шындығында бұлар өте жаман екен ғой... тұнған агрессия;- Мынау мықты қарулы екен, жалпы арасына адам салып, қолдың қырымен артқа ұрып құлату оңай шаруа емес;- Бұлар діннің қысымында жүреді ғой. Мида стресс бар. Хиджап киетін қыздар да агрессивная болады;- Осындай надан, көрсоқырларды дайындап жатқан діни орталықтарды неге ауыздықтап тастамасқа?!.. Бірнәсе айтсаң дінге қарсы, тәңірші деп шыға келетіндер күннен күнге көбеюде. Мұндай ұрда-жық радикалдардың бізге қажеті бар ма? Дінді мазақ қылудың бұдан асқан түрін қайдан көрдіңіз?!.. Бүйткен мүптияты құрсын... Қолынан дым келмейтін, үкімет пен өтірік тақуалардан шаршадық, -деп пікір білдірді желі қолданушылары.
