Ресейдің Хабаровск өлкесінде бұрынғы әйелі оның қазіргі сүйіктісіне барып, жасырын қарым-қатынастары туралы айтып беремін деп қорқытқаннан кейін, ер адам оны атып өлтіруге оқталды, деп жазады Alash.kz.
Ресей Тергеу комитетінің аймақтық басқармасына сілтеме жасап хабарлауынша, оқиға 2026 жылдың мамыр айының соңында орын алған. Переясловка ауылындағы үйінде бұрынғы ерлі-зайыптылар бірге ішімдік ішіп отырған кезде, араларында ескі өкпе-реніштерге байланысты жанжал шығады. Ұрыс барысында әйел ер адамның қазіргі бірге тұратын сүйіктісіне олардың әлі де кездесіп жүрген романы туралы жайып салатынын мәлімдейді.
Осыдан кейін ер адам Могилевка ауылындағы өз үйіне кетіп қалғанымен құпиясының ашылып қалуынан қорыққандықтан, аңшылық мылтығын алып кері оралады. Үйдің терезесінен бұрынғы әйелінің сұлбасын көрген бойда ол оған қарата оқ жаудырады да, әйелді қаза тапты деп ойлап, оқиға орнынан бой тасалайды.
Қылмыс айғақтарынан құтылуды көздеген күдікті үстіндегі киімдерін өзенге лақтырып, мылтық пен патрондарды қараусыз қалған бос үйге жасырып қойған.
Фото: © max.ru/Следком Хабаровского края и ЕАО
Ауыр жарақат алған әйелді дер кезінде ауруханаға жеткізу мүмкін болып, оған қажетті медициналық көмек көрсетілді. Қазіргі уақытта ұсталған азаматқа қатысты адам өлтіруге оқталу бабы бойынша қылмыстық іс қозғалып, тергеу жүріп жатыр.
