Атырау облысында шегіртке қаптады. Зиянкес шабындық пен егістікті отап жатыр. Құрманғазы, Исатай, Қызылқоға мен Махамбет аудандарында жағдай қиын. Дабыл қаққан шаруалар биліктен көмек сұрап, залалсыздандыру жұмыстарын күшейтуді талап етті, деп хабарлайды Alash.KZ ҰЛТТЫҚ ПОРТАЛЫ Almaty.tv телеарнасына сілтеп.
Аптап ыстықта шамадан тыс қаптаған шегіртке Атыраудағы егін шаруашылығына зиян келтірген. Шаруа Сандуғаш Жармұхамбетованың айтуынша, зиянкес бау-бақша өнімдерінің түгін қалдырмаған. Шарасыз күйге түскен шаруа билік мәселеге араласпаса, күзде өнімсіз қалатынын айтты.
– Биыл шегіртке ауданды басып алды. Қияр, сәбіз, пияз, қарбыздың бәрін жеп қойды. У шаштық, бірақ қайта пайда болды. Қалай күресу керек екенін білмейміз? Үкімет тарапынан көмек керек, – деді шаруа Сандуғаш Жармұхамбетова.
